الأردن، الاثنين 30 أبريل 2012 (ZENIT.org).
ننشر في ما يلي الكلمة التي تلاها السيد جاك الكلاسي خلال إفتتاح مكتب تيلي لوميار في الاردن في 25/4/2012، بحسب البيان الذي أصدرته تيلي لوميارنورسات.
* * *
إستخدم قداسة البابا بنيدكتوس السادس عشر عبارات مأسوية أثناء حفل استقبال دبلوماسيين في روما كانون الثاني 2010 ، إذ قال:
"إن مستقبلنا ومصير كوكبنا هما في خطر"
ما في شك استعمال قداسة البابا لهالجملة ما هوي إلا "دق لناقوس الخطر".
لأنو عم يسمع اللي عم نسمعوا وعم بشوف اللي عم منشوفو وعم يقرأ اللي عم نقراه عبر إعلام اليوم.
1- نحنا بالقرن 21 واكتر من 50 حرب بعدها قايمة على هالكوكب
2- انتشار التعصب الديني والعرقي والجغرافي والتصاعد الاصولي مع اعمال عنف كيف مارحت وجيت على هالأرض
3- ازمات اقتصادية وجوع حدث ولا حرج
4- زراعة المخدرات وترويجها عم بتزيد وتزدهر بكافة انحاء الكوكب
5- السياحة الجنسية عيب نحكي ….. والجديد الأجمل سياحة الانتحار (بتروح على بلد اوروبي وبحضروك نفسياً وجسدياً لكيفية الانتحار)
6- مواردنا الطبيعية عم تخلص (إحصاءات تشير انو خلال ال 25 سنة القادمة نصف سكان الكرة الارضية رح يتعرضوا لنقص في مياه الشرب)
7- غابات كوكبنا عم تتقلص (احصائات بتقول خلال 30 سنة من اليوم 50% نقص بثروة غابات هالكوكب)
8- الموارد النفطية اللي تكدست طوال ملايين السنين استهلكنا نصفها بأقل من 50 سنة
9- ناهيك عن مخاطر الاحتباس الحراري وارتفاع معدل حرارة الارض وارتفاع مستوى المحيطات والنفايات السامة والنفايات المنزلية والفقر الذي يعيش فيه ثلث سكان الارض والكثافة السكانية في المدن والنقص في التربية والصحة والمسكن والعمل….
وكأنما وحشاً استولى على كوكبنا ليفسد البشر
كيف يمكننا أن نتخيل استمرارية التاريخ في عالم تتنامى فيه دوافع المصالح الشخصية والقيم المادية واشباع الملذات والنزوات؟؟؟؟
كيف يمكننا أن نتخيل استمرارية التاريخ في عالم وضع الله جانباً؟؟
-1-
عم نعيش بمستوى بيفوق قدراتنا
عم نعيش على حساب الاجيال المقبلة
بالعالم كلّو ومن وقت انفجار الازمة المالية زادت ديون الدول بنسبة 45% … صارت الديون اكتر من 50 الف مليار (خمسة و13 صفر) فوائد هالديون بس كفيلة انو تلغي الفقر عن الأرض.
العالم عم يتدهور، الإنسان عم يفقد انسانيتو، كوكبنا كلو بخطر!!!!
ونحنا (ومن 1500 سنة) بعدنا عم نناقش "حرية التعبير" "حرية الرأي" "حرية العقيدة" "حرية الضمير" "حرية الابداع" "ولا اكراه في الدين" "ومسحييو الشرق قلقون" "والربيع العربي والصيف العربي والخريف والشتاء العربي……" .
هالجدلية والخلافات والعيش بيأس وقلق وحيرة وخوف خلّت الغرب يحتكر كل تقدم علمي … وصرنا آخر من يعلم وآخر من يعلّم .
أما آن الآوان للأمة العربية أن تعود وتقود سباق التقدم والمعرفة والتنمية؟؟؟
من أكتر من الف سنة وإيام الخلافة العباسية كان العرب يدفعوا ثمن الكتاب ذهباً (وكل كتاب بحسب وزنه) ليكتنزوا المعرفة…
اليوم سيطرت السطحية على معظم وسائل اعلامنا.
للأسف بإعلام اليوم (المسموع والمرئي والمقرؤ) صار التباهي بالعنف والاباحية والرعب بكل صوروا وكلماتو البذيئة غذاء يومي لعائلاتنا واطفالنا (الله أحب الاطفال… دعوا الاطفال يأتون الي).
اولادنا بحكم اعمارهم ما بيقدروا يميزوا بين ما هو خيالي وما هو واقعي…
صاروا يعتقدوا انو العنف امر مقبول ولا عيب في تقليده!!!!
هالتلاعب بالعقول خلًت اجيال تنسطل امام برامج تافهة حصرت معلوماتهم بمعرفة اسماء الرياضيين والفنانين والراقصات ومواصفات السيارات…..
هالتلاعب بالعقول بوسائل الاعلام اليوم أقل ما يقال فيه : تسميماً روحياً لخلق الله
هالتسمم الروحي بيخليك تمشي غلط وتفكر خطأ وعندما يرتكب الانسان الخطيئة …. الكون كله يتألم.
كان مكيافيللي يقول:
" يجب على الملوك العقلاء ان يتنبهوا ليس فقط لمشكلات الحاضر وانما للأضطرابات الآتية كذلك".
وبالعربي منقولها: الوقاية خير من العلاج Prevention is better than cure
اليوم ملوك هالكوكب العقلاء هم الاعلاميون الشرفاء….
-2-
وسائل الاعلام اليوم اذا استخدمت بطريقة شريفة قادرة تبني مجتمعات لا يكون فيها الانسان بعد الآن "السيد والمسيطر" على الطبيعة والحياة انما المؤتمن عليها.
بدنا اعلام يفكر صح وينقل صح ويصير مستشفى روحي لكل محبط ويائس وحزين ومعاق ومقعد وعاجز ومريض وحاقد ومضطهد ومرهق ومهجّر ومهاجر ومهان ومهمل…..بدنا اعلام ما يفرض على الآخر ثقافتوا او طريقة تفكيره او قانونه الاخلاقي…بدنا اعلام قادر يمد جسور مع الآخربدنا اعلام انساني …. بدنا نورسات بكل بلد بالعالم
نورسات فضائية تيلي لوميار شباك منطل منًو عالسما وبتفرجي العالم الآتي ( كل التلفزيونات بتفرجيك عالم اليوم وحدها نورسات بتفرجيك شو ناطرك بعالم ما بعد اليوم)نورسات اعلام الحرية والحقيقةنورسات قادرة تجاوب على كل تساؤلاتكنورسات لتذكرك انو ارض هالشرق مروية بدم شهدائنا وأرض عاش عليها قديسين ابطال نورسات لتأكدلك انو مهما طال ليل العذاب "فالسيد آتٍ"…نورسات فضائية تيلي لوميار كتاب مقدس، بشارة فرح انجيل مفتوح منقرا فيه " حسن لنا ان نبقى هنا" منقرأ فيه: " لا تخف ايها القطيع الصغير " ، منقرا فيه " انا معكم حتى انتهاء الدهر".نورسات باقية شاهدة للأنجيل ولكنيسة عمرها 2000 سنة تشق غمار الزمن وشو ما كبرت وكترت العواصف بتفرجيك أنو يسوع معنا عالباخرة… منًو نايم
تيلي ولوميار وفضائيتها نورسات هالمحطة الثقافية الدينية هي لتأكد انو الدين وسيلة لصنع السلام.
وأن لم تكن الاديان للسلام …….. فعلى الدنيا السلام .
شكراً
